Home | आरोग्य | या पाच पदार्थाच्या सेवनाने आपले वजन कमी होईल; काही दिवसातच आपल्याला परिणाम दिसू लागतील

या पाच पदार्थाच्या सेवनाने आपले वजन कमी होईल; काही दिवसातच आपल्याला परिणाम दिसू लागतील

Reduce your weight with the help of these five food

वजनवाढ हि आधुनिक जगातील सर्वात मोठी समस्या आहे आणि प्रत्येकजण आपले वाढते वजन कमी करण्यासाठी धडपड करीत असतो अशा काळात जर तुम्हाला त्याचे समाधान सापडले तर आणखी काय हवाय. या लेखामध्ये आपण बघणार आहोत कि वजन कशे कमी करता येते फक्त या पाच पदार्थाच्या सेवनाने, मग वाचा तर   

आजच्या धकाधकीच्या जीवनात प्रत्येकजणच आपल्या आरोग्याकडे दुर्लक्ष करताना दिसून येतं. ताणतणाव, धावपळ यांमुळे आहार नियंत्रण,व संतुलन राखणं कठीण होऊन जातं व त्यातच ज्याची काळजी आणि भिती असते ते म्हणजे वजन वाढणे. ते घटवण्यासाठी अनेक जण विविध प्रकार करतात. पौष्टिक आहार सर्वात महत्वाचा मानला जातो. वजन वाढीच्या समस्येने हैराण असलेले लोक आहार नियंत्रण करण्याचे वेगवेगळे मार्ग निवडतात पण ते प्रत्येकालाच रुचतात असे नाही. 

नट नट्या जो डाइट पाळतात तोच आपण योग्य नाही. प्रत्येकाची शारीरिक व आरोग्याची ठेवण वेगळी असते. आहाराबरोबरच व्यायाम,योग साधना,ध्यान हे देखील तितकच महत्त्वाचं आहे. आरोग्य पौष्टिक आहाराचे सेवन करणं अतिशय आवश्यक आहे. फळे आणि भाज्यांचा आहार शरीरातील अतिरिक्त चरबी कमी करण्यासाठी पोषक मानला जातो. यासाठी लोक आपल्या आहारामध्ये जास्त प्रमाणात फळे आणि भाज्यांचा समावेश करतात. पण यापैकी केवळ एकाची निवड करणं अतिशय कठीण आहे. फळ आणि भाज्यांमध्ये पोषण तत्त्व आणि कॅलरीचे प्रमाण समान असते. शिवाय फळ आणि भाज्यांचे सेवन करण्याचे फायदे वेगवेगळे आहेत. 

पण वजन घटवण्यासाठी नेमके काय खाणे योग्य ठरेल? फळ की भाज्या? काही जणांसमोर हा प्रश्न कायम असतो. जाणून घेऊया सविस्तर माहिती. जर तुम्ही वजन कमी करण्यासाठी प्रयत्न करत आहात, तर सर्व प्रथम आहारतज्ज्ञांचा सल्ला घ्यावा. कारण प्रत्येकाची शरीररचना आणि आरोग्याच्या समस्या वेगवेगळ्या असतात. या पार्श्वभूमीवर इतर कोणाचेही डाएट प्लान तुम्हाला योग्य ठरतीलच, असे नाही. शरीराचे नुकसान टाळण्यासाठी आपल्या आहारामध्ये कोणत्या पदार्थांचा समावेश करावा तसंच करू नये, याबाबत आहारतज्ज्ञांकडून योग्य ते मार्गदर्शन घ्यावे.

वजन घटवण्यासाठी आहारासोबत व्यायाम करणेही तितकेच आवश्यक आहे. कारण शरीर सक्रिय असेल तर शरीरामध्ये अतिरिक्त चरबी जमा होऊन राहणार नाही. खाल्लेल्या अन्नपदार्थांचे पचन सहजरित्या होण्यास मदत मिळेल. ज्यामुळे विषारी पदार्थ सहजरित्या शरीराबाहेर फेकले जातील आणि वजन नियंत्रणात राहण्यास मदत मिळेल.

पोहे

सकाळी न्याहारीसाठी पोहा देखील चांगला पर्याय आहे. जर आपल्याला थोडेसे मसालेदार पदार्थ खाण्याची सवय असेल तर सकाळी न्याहारीसाठी पोहा घेऊ शकता, मटार, गाजर, टोमॅटो, कोबी आणि कांदे इत्यादी घालून ते बनवू शकता. पोहेमध्ये भरपूर भाज्या व प्रोटीन, फायबर, कार्बोहायड्रेट आणि जीवनसत्त्वे मिळू शकतात. पोहे व्यतिरिक्त तुम्ही न्याहारीसाठी रव्यापासून बनवलेले उपमा देखील खाऊ शकता.

मल्टीग्रेन सैंडविच

सकाळच्या न्याहारीमध्ये तुम्ही स्टफ्ड मल्टीग्रेन सँडविच घेतल्यास हे आपल्याला दिवसभर ऊर्जा देण्यास मदत करते. होय, मल्टीग्रेन ब्रेडमध्ये फायबर भरपूर असते कारण ते गहू, बार्ली आणि नाचणीपासून बनवलेले असते. या व्यतिरिक्त, आपण स्टाफिंग म्हणून आपण मल्टीग्रेन ब्रेड सँडविच बनविण्यासाठी काकडीचे तुकडे, टोमॅटोचे तुकडे आणि कांद्याचे तुकडे देखील वापरू शकता. या सँडविचमध्ये आपण कमी चरबीयुक्त दुधाचे बनलेले पनीर काप वापरू शकता.

ओट्स

सकाळी न्याहारीसाठी ओट्स देखील एक चांगला पर्याय आहे कारण यामुळे आपल्याला भूक लागत नाही आणि त्यात भरपूर फायबर आणि इतर जीवनसत्त्वे आणि खनिजे असतात जे आपल्या शरीरासाठी फायदेशीर असतात. ते दुधात किंवा भाज्यांमध्ये मिसळून आपण त्याचे सेवन करू शकता.

अंडी

जर आपण अंडे खात असाल तर आपल्या सकाळच्या न्याहारीमध्ये अंडी खाणे हा एक उत्तम पर्याय आहे. जर आपण  उकडलेले अंडे खाल्ले तर ते चांगले आहे, अंडी हा प्रथिनांचा सर्वोत्तम स्रोत मानला जातो आणि तो आपल्याला वजन कमी करण्यास खूप मदत करतो.

वाईट सवयी बदला : तुम्ही जितकी कॅलरी बर्न करता किंवा जाळता, त्यापेक्षा तुम्ही कमी कॅलरी घेतली तर तुमचे शरीर आधीपासून जमा झालेले फॅट वापरायला सुरुवात करते आणि त्यामुळे तुमचे वजन कमी होऊ लागते. यासाठी तुम्ही तुमचा दिवसभराचा टोटल डेली एनर्जी एक्सपेंडिचर (टीडीईई) निश्चित करणे आवश्यक असते.

म्हणजे, दिवसभरात तुम्ही किती कॅलरी खर्च करणार आणि किती घेणार हे निश्चित करायला हवे. त्यानंतर वजन कमी करण्यासाठी तुम्हाला किती कॅलरी घेणे आवश्यक आहे हे निश्चित करा. मग त्यासाठी तुम्ही दिवसभरात सहा वेळा जेवा किंवा दोन वेळा.